樂古Nakuz

標題: 雜談 [打印本頁]

作者: 浪跡天涯002 時間: 9-1-2015 00:54
標題: 雜談
http://www.nakuz.com/bbs/viewthr ... &extra=page%3D1

睇完心隨風去既呢個post，突然間有一番感言。

作為08年加入樂古天龍版（同時亦加入左天龍呢隻game），一直睇住呢個版直到依家。
由恆-，榤奇，我，浩B⋯每一代既版主成日都強調要嚴格執行版規，維持版面素質。

而每一個時期，總係會有D會員彈出黎XYZ版主，話佢地行版規好無聊，應該比人暢所欲言。
無錯，版面素質同人流，某程度上（尤其係樂古）係不能並存。

有版規，固然會令一D真心想理性討論既人開心，但亦都會滿足吾到一D希望起game到比人殺／吾夠打而罵個痛快既人。
而依家無版規，又會有人鬧版主吾做野。

http://www.nakuz.com/bbs/viewthr ... p;extra=&page=2

講句老實說話，心隨風去呢個會員，都算係起天龍版一個老友。
起碼我仲管緊天龍版果陣已經有見到佢不時留言，開post。

見到佢開個post狂爆粗，就會令我諗起，如果呢個時候，前幾任版主，甚至前幾代既舊會員（囍帖街、東郭先生、莫菁兒、真天龍戰神⋯）見到天龍版變成咁會有咩感覺。

我無咩特別野想表達，純粹係感嘆同埋廢UP。
但有樣野想講，就係希望各位吾好鬧版主。

尤其係蘭鈴。
佢係起接捧做版主既人入面，我最欣賞的。
可能要先講一聲對吾住，我知我咁講應該會得罪好多人，尤其係浩B。
但我只係想講，每一個天龍版主，我夠膽講一句除左恆同榤奇外，無一個版主（包括我）既熱心係及得上佢。

佢起第二個post出現之後有搵過我，想我幫手。
講真，要不是佢搵我，我真係吾會再上天龍版，尤其係我知依家版規無曬，我完全吾知點入手。

所以，起各位抱怨蘭鈴前，先諗下當日有幾多會員話吾想要版規。
現任天龍版主決定廢除所有版規，我起度講野預左有會員插，come on。

就這樣。

作者: 楓　〞 時間: 9-1-2015 02:30
個人覺得傻仔打交幫圍威喂既POST的確好無謂

同樣　可能人地眼中80組小圈子同個人回憶錄都係無意義既POST

但每個人都可以選擇　揀D自己有興趣既入去睇

唔LIKE既就碌走佢　最多加一下冷笑

而家確係多左個人認為好無聊既POST　但都係無辦法既事
其一在於各版主們既難處　其次在於天龍既人流
畢竟會開POST既係得返呢班打大交既傻仔同呃分既初心者

雖然都略略明白版主們既辛酸　但個人覺得洗版同無素質既POST係2回事
無謂POST無謂睇　至少我有得選擇　但洗版令版面亂晒　造成不便

所以我先會開POST請求版主DEL AC

作者: 浩B 時間: 9-1-2015 04:35
本帖最後由浩B 於 9-1-2015 04:59 編輯

你咁樣講野肯定我第一個插你啦
------------------------------------------
做版主果陣，我當然稱唔上熱心。只係當時覺得做版主有啲野玩下同有小小自豪感姐

俾我而家唔會拿屎上身
其實每個做版主嘅，都熱愛過天龍。
至於熱唔熱心，咁耐之前我都唔記得自己做過啲咩。
不過果陣咁Q細個，乜野都唔識，將遊戲同呢啲野睇得太過認真。

我都唔知自己講緊咩，不過見到我個名出現過喺你張帖咁多次，我點都要回應下。------------------------------------------
其實唔單止天龍版，根本成個樂古啲版主都係無從入手，睇下四年前嘅聊廣同而家嘅聊廣就知
其實樂古嘅人好多都係因為喜愛一隻ONLINE GAME 而喺樂古創建帳號嚟討論同睇野。
我都係一樣，但係而家資訊科技更加發達，ONLINE GAME 模式又稍微改變。
CSOL，巨商，SD 同天龍我記得係樂古當時嘅人流榜首。(雖然而家都好似係)
無奈玩同類型嘅遊戲點都係會悶，同代理商嘅無能。
種種原因下，就令到玩家流失。
直到而家興起手機遊戲，同英雄聯盟，DOTA 之類嘅遊戲。
佢地有自己官方嘅討論區，攻略網站。
至於手機遊戲嘅討論區，其他論壇已經做得比我地好好多。
再講，樂古嘅手機版好似整咗一排又冇咗回事。
其實我認為，對於老玩家或會員，係會明白同睇到樂古嘅變化。
至於樂古嘅新血(我定義係1字頭果啲)，已經係唔會理解到幾年前樂古嘅興旺
以前嘅樂古天龍版，係一個遊戲額外嘅地方。俾唔同服，唔同嘅玩家一齊討論同認識嘅地方。
以我本人為例，我喺樂古認識到幾個南服嘅朋友，再玩南服，而家仲變埋朋友。返香港果陣有空都會見面。
但係而家樂古就變咗兩邊幫會發黑材料同罵戰嘅地方。
雖然話以前呢啲帖係俾我地版主搞掂咗，但係因為果陣人流的確係太多，過火嘅帖係唔需要同無必要存在。
而家唔同，淨返嘅就係呢啲人，其實可能我地要慶幸仲有呢啲人去維持天龍版嘅"生氣"。
---------------------------------------------
我同你對樂古都有一種說不出的感情，好好留在記憶裡吧~

作者: TheSpeed 時間: 9-1-2015 11:30
本帖最後由 TheSpeed 於 9-1-2015 11:34 編輯

其實HK天龍已經變左質樂古只係影子反映得一小部份情況
係GAME度會睇到個情況係上黎發洩多過享受隻GAME
幾懷念以前中學返學等放機放學同班FD打天龍果種無煩惱感覺
相比國服真係玩得好輕鬆,所以真係去國服玩好過,至少唔會咁多傻仔搵交嗌

作者: 浪跡天涯002 時間: 9-1-2015 14:39
well其實蘭鈴琴日有講，我同佢都覺得起樂古粗口係可以接受。但對於人身攻擊，我地都係比較主張要ban。

作者: 戀戀豬 時間: 9-1-2015 21:15
汁左佢一了不百了

作者: 怪怪 時間: 9-1-2015 23:07
講真 , 依家天龍仲有咩可以討論呀 , 以前刷副攻低血少 , 要講技巧 , 打交 / 校場討論下技術
依家刷副一開幾一人 KO , 打交 / 校場睇下邊個食丹抽旦多
最重要係天龍ONLINE 都無咩人玩 , 論壇更加少人黎

如果無左個D 罵戰帖 , 無人洗版的話 , 幾日甚至個幾星期都未必有新POST

作者: bmong 時間: 12-1-2015 21:36

我都係由天龍1玩到而家，睇住天龍同樂古既轉變。
老實講，樂古天龍版仲有多少人大家心中有數，開post話題無唔無聊見人見智。
正如阿楓所講，有興趣入去走轉食下花生，冇興趣既就時運高咩都睇唔到。
版規既野人人意見唔同，不能太過苛刻亦不能冇，咁多位版主其實有冇諗過好似某段時間咁，限制連post？
或者限制某時間內只能回幾多個post？我冇記錯以前曾經有呢d版規

作者: tomy09 時間: 14-1-2015 16:07
我係由天龍1玩到天龍2就冇玩(大慨係2008年到2012年吧),天龍陪我渡過左初中時期
最懷念唔係整勁隻人,而係識到班fd同一堆回憶,雖然依家大家都冇聯絡,甚至連ac都唔記得埋,
但諗番起都算開心
只能說g1營運手法出神入化,更新天龍2之後可以成年都冇大更
連屬性都可以拎出黎賣,各式各樣既抽獎令到市場大亂

0更新令到玩家數量大大減少,去到更新天龍3,或者到依家新天龍都已經太遲喇
玩家已一去不返,而我都好幸運地係天龍玩家數量跌至接近無之前放左ac,總算唔洗蝕到渣都冇
當時父親係講得岩的,唔值得為呢d垃圾洗咁多錢

話說浩b你仲認唔認得我,我係雞仔二世

作者: 小靈=] 時間: 14-1-2015 16:28
都唔知依嫁玩既人越黎越低質素定點
可能之前有但一定無依嫁咁多
依嫁係可以成版都問候人全家或者人身攻擊
有時入去轉一轉膠都費事俾就禁左上一頁-.-
但老實講依嫁都無新人加入 d野問極有限
頂多咪又係邊個最勁同埋點玩先勁果d

作者: 蠍乂 時間: 14-1-2015 18:35
仲記得以前開POST貼張圖都要睇清楚有冇粗口...

作者: 莫菁兒 時間: 15-1-2015 01:39
好耐無見啦天涯兄

估唔到仲有人記得我..哈哈
無錯版主其實已經盡左好大努力但一定會有不足之處好難滿足哂咁多位唔同意見既人
我都好耐無上黎樂古版啦.. 發生過咩事我都唔太清楚
只可以講句既然版主們商討完有原因地廢除左版規就請好好珍惜
想繼續講粗口既無所謂呢家係你自由但我都希望大家尊重番自己同其他會員唔好人身攻擊啦
覺得討厭既就請君子自重尊重版主既決定尊重各會員尊重自己

作者: 天龍人仔 時間: 15-1-2015 01:45
想當年天龍版日日都係新post

可惜樂古已死見証住天龍八部興衰

作者: 浪跡天涯002 時間: 15-1-2015 13:38

想當年天龍版日日都係新post可惜樂古已死見証住天龍八部興衰
天龍人仔發表於 15-1-2015 03:45

好耐無見啦天涯兄估唔到仲有人記得我..哈哈
無錯版主其實已經盡左好大努力但一定會有不足之處好難滿足 ...
莫菁兒發表於 15-1-2015 03:39

仲記得以前開POST貼張圖都要睇清楚有冇粗口...
蠍乂發表於 14-1-2015 20:35

都唔知依嫁玩既人越黎越低質素定點
可能之前有但一定無依嫁咁多
依嫁係可以成版都問候人全家或者人身攻擊
...
小靈=] 發表於 14-1-2015 18:28

你地四個人名我都仲好有印象

睇黎我呢個post吸引左吾少【老人家】入黎sosad
莫兄，我又點會吾記得你XD 連蘭鈴都點名讚你好人

好記得當日岩岩黎到天龍版，果陣仲禁緊粗口，但都已經粗口橫飛。果陣既活躍而理性既會員真心吾多，你比我既印象太深刻喇。後尾囍帖街果D吾見曬，你都仲有keep住on甚至keep到我淡出lol 呢下真係堅！

大家都係睇住天龍版由盛轉衰，相信有D野心照就好。
亦都希望你地吾好比咁多不滿之聲現任版主喇，佢地其實都叫盡左力

作者: 楓　〞 時間: 15-1-2015 14:03
本帖最後由楓　〞於 15-1-2015 14:10 編輯

回復 14# 浪跡天涯002

不過連洗版都唔理既話　咁已經唔係叫開放　係荒廢...

禁洗版應該係論壇既基本吧　同隻GAME已經無關

作者: 浪跡天涯002 時間: 15-1-2015 14:07
回復 15# 楓　〞

其實最主要係因為依家既版主得番蘭鈴係周不時有留意樂古，但苦在佢身處既地區上樂古係比較吾方便。
一樓我都有講其實佢係有搵過我幫手，但我又吾知應該點做好。

如果大家有留意既話，其實最近果條版主檢查線都係佢提升架炸。一個人做野係比較吃力，我都試過。

當然，洗版同人身攻擊既問題我都會同佢傾傾

作者: 楓　〞 時間: 15-1-2015 14:19
回復 16# 浪跡天涯002

明白　之前失言了

咁其實要版主們繼續打理呢塊死板已經去到強人所難既地步...?

你地有心固然值得欣賞　但長遠黎講　都應該學心隨風去話齌　要放棄吧...?

作者: 蘭鈴 時間: 15-1-2015 15:09
在這裡跟大家說聲抱歉。
不過，只有我一人的話，很難經常留意好版面。

以前樂古總有一批新舊面孔，現在發現只有滿滿的初心者以及罵戰。

唔⋯⋯我想，版規會稍微作出調整的。

作者: 浪跡天涯002 時間: 15-1-2015 16:05
回復 18# 蘭鈴

該說的我都說了，接下來的事情就交給你了 B)

我潛水去也（不對

作者: everlove123 時間: 16-1-2015 14:33
哈哈. 算係咁啦天龍都可以咁長命了小4玩到呢加中六

作者: everlove123 時間: 16-1-2015 14:34
我呢加都玩緊國服佢地嘈黎嘈去都係小範圍決激心激命為咩

作者: cth45678910 時間: 17-1-2015 00:00
回復 12# 莫菁兒

吸引埋你上水都有

作者: 浩B 時間: 18-1-2015 05:12

我係由天龍1玩到天龍2就冇玩(大慨係2008年到2012年吧),天龍陪我渡過左初中時期
最懷念唔係整勁隻人,而係識 ...
tomy09 發表於 14-1-2015 16:07

你係南SER 雞仔二世嘛.. 之前同小津佢地玩識架嘛

當然記得...

我記得一個影像就係打果隻唔知咩木桶伯

作者: ben1d25c 時間: 18-1-2015 11:25

仲記得以前開POST貼張圖都要睇清楚有冇粗口...
蠍乂發表於 14-1-2015 18:35

我都係...係留言果陣重要望真D有冇打到粗口落去^^

作者: 浩B 時間: 19-1-2015 06:03

我都係...係留言果陣重要望真D有冇打到粗口落去^^
ben1d25c 發表於 18-1-2015 11:25

其實對於圖粗呢個版規，我以前都覺得會員們有啲慘

有時有啲人分享野，就係因為頻入面有條random 人講咗粗口就要俾人扣分。

不過當時版主們都認為呢啲做法係有需要，加上當時流行嚴格執行版規。

所以就..

作者: 莫菁兒 時間: 19-1-2015 21:48

回復莫菁兒

吸引埋你上水都有
cth45678910 發表於 17-1-2015 00:00

最緊心郁郁想玩番天龍所以先睇下樂古ja..但進度差太多 2年無玩既全5同你地真係差好遠

你地四個人名我都仲好有印象睇黎我呢個post吸引左吾少【老人家】入黎sosad
...
浪跡天涯002 發表於 15-1-2015 13:38

講起上黎我以前細個初入樂古個陣都係粗口橫飛

在這裡跟大家說聲抱歉。
不過，只有我一人的話，很難經常留意好版面。

以前樂古總有一批新舊面孔，現在發 ...
蘭鈴發表於 15-1-2015 15:09

傻啦抱咩歉過到自己個關就得啦

keep going

回復浪跡天涯002

明白　之前失言了
咁其實要版主們繼續打理呢塊死板已經去到強人所難既地步 ...
楓　〞發表於 15-1-2015 14:19

唔係咁易話放棄就放棄既..我諗版主對天龍版既上心程度非筆墨可言
新舊玩家都好都應該支持版主既
放唔放棄都係版主自己決定啦但我都唔想見到呢一日

作者: 浪跡天涯002 時間: 19-1-2015 22:08
回復 26# 莫菁兒

莫兄好似係南服lol 真希望有機會同你刷番場～

PS我天ser全5星宿，都覺得自己吾夠玩。

版主應該吾會放棄的，有蘭鈴我很放心

作者: 莫菁兒 時間: 19-1-2015 22:16
回復 27# 浪跡天涯002

無啦好耐之前轉左慕容ser不過呢家好似無分ser(?) 我呢家唔識玩呢隻game啦..

作者: 浪跡天涯002 時間: 19-1-2015 22:18
回復 28# 莫菁兒

有好多系統我都吾明，有次去汗血打幾隻怪，比路過既紅人殺死⋯一D還手之力都無，我心已碎sosad

作者: cth45678910 時間: 20-1-2015 00:45
回復 28# 莫菁兒

好掛住你#3

作者: bmong 時間: 20-1-2015 13:03
回復 28# 莫菁兒

慕容ser咩ac？on返泥玩，慕容ser現在算係最和平既ser

作者: fongkapan 時間: 21-1-2015 17:06

點得出嘅人名都識，睇黎變左老屎忽

作者: 浩B 時間: 22-1-2015 05:45

點得出嘅人名都識，睇黎變左老屎忽
fongkapan 發表於 21-1-2015 17:06

尼路哥，南SER有邊個唔識你呀

作者: fongkapan 時間: 22-1-2015 15:15

尼路哥，南SER有邊個唔識你呀
浩B 發表於 22-1-2015 05:45

往事不堪回首囉

作者: 浩B 時間: 24-1-2015 00:29

往事不堪回首囉
fongkapan 發表於 22-1-2015 15:15

每個人都有呢啲時候... 呢啲將會變咗你美好嘅回憶

作者: fongkapan 時間: 26-1-2015 20:34

每個人都有呢啲時候... 呢啲將會變咗你美好嘅回憶
浩B 發表於 24-1-2015 00:29

為堆無聊數字嘈一輪，睇番都覺on9

作者: sally1314 時間: 27-1-2015 02:56
蘭鈴係幾好既,由第1任版主接手之後既所有版主入面
我覺得無人比佢做得更好,我也都唔怕得罪其他版主,因為佢地我懶理
你都唔錯,賞罰分明,我建議重設版規
因為我唔想再爆粗,見到就煩

作者: 莫菁兒 時間: 29-1-2015 01:36
本帖最後由莫菁兒於 29-1-2015 01:38 編輯

為堆無聊數字嘈一輪，睇番都覺on9
fongkapan 發表於 26-1-2015 20:34

唉我以前咪又係小學雞到笑你個名呢家諗起真係好屁孩

唔好嬲我

再見亦是朋友

回復莫菁兒

好掛住你#3
cth45678910 發表於 20-1-2015 00:45

我..我都好掛住..你#4利申:非hehe

回復莫菁兒

慕容ser咩ac？on返泥玩，慕容ser現在算係最和平既ser
bmong 發表於 20-1-2015 13:03

﹑緋霧〞應該好少人聽過呢個名啦本身small potato 仲要收左山咁耐

作者: cth45678910 時間: 30-1-2015 00:26
以前打校場既日子真喺爽

作者: fongkapan 時間: 3-2-2015 13:42

唉我以前咪又係小學雞到笑你個名呢家諗起真係好屁孩唔好嬲我再見亦是朋友 ...
莫菁兒發表於 29-1-2015 01:36

大家都有屁孩嘅童年

作者: 呀楊 時間: 10-2-2015 16:30
本帖最後由呀楊於 10-2-2015 20:44 編輯

我係09年天龍會員，雖然冇人知我乜水，但應該都可以叫老玩家吧。。。

我就唔比咩comment喇，

始終係你地家事，其實我諗自由講本身都係想往好方面出發，

只不過最後未如理想，有啲人又唔自律，變相好心做壞事姐～

不過我心底裡係支持版規嘅重要性，自由得黎都要有個好制度先可以暢須運作呢～

作者: 浪跡天涯002 時間: 10-2-2015 20:58
回復 41# 呀楊

好少見仲有同我差吾多老餅既朋友出現，我好似都同你有傾過兩句。
其實呢個帖原因無他，純粹係想幫攔靈去平反一下lol

作者: 呀楊 時間: 10-2-2015 23:37
回復 42# 浪跡天涯002

放唔低樂古，可能有感情，唉，自認長情痴漢

作者: 刺客先生 時間: 14-2-2015 19:39
都好耐冇返黎啦呢排忙到連訓都冇時間今日得閒就上返樂古懷勉下~
由小學玩天龍到中學因為天龍而上樂古到而家Year 1自己轉變左咁多
或多或少都因為樂古每位係樂古同我傾過計影響過我比機會我既人

就算有幸做過幾個月既呢個版既版主自問管唔掂天龍版所以冇咩心搞...
見住好多天龍版主都好有心機搞自己都有d慚愧

而家越黎越少人版主好易會灰機但蘭鈴都好有心做好管理版塊既每一個細節
遵循自己既諗法係現況做你覺得岩既野啦

歡迎光臨樂古Nakuz (http://ent2006615w2w.nakuz.com/)